July 26 tariko District Childhood Pneumonia Management aro Planning Committee ko a∙bachengate mikratani programme ko ong∙atangaha. Bi∙sarango Pneumonia sabisirang porikka ra∙e sandie nina aro nokdangantina ia sabisini bidingo talate on∙aniko dakna District Medical Health Officer aro a∙jani adita Medical Officer rang baksa West Garo Hills a∙jani DC Jagdish Chelani chanchirimaniko dakdilangaha.
Ia tom∙aniara bi∙sarangni Pneumonia sabisiko man∙e sianirangko champengna miksonge ja∙ku de∙ani ong∙a.
Mikkangchi a∙jani bi∙sarangko ia sabisioniko naljoke rakkina ja∙ku de∙anio bakrimpachina manderangko aro nokdangantiko didie Intensified Mission Indradhanush 5.0 ni gita biji su∙anirangko dakpachina mol∙molanikoba dakangaha.
