Shillong songjinmani National People’s Party (NPP) Women’s Wing-ni Vice President Damelari Ryntathiang Turao Chief Ministerni Office-ko manderangni chadrapanina jegalataha. ACHIK dolni okgimu chake dabianiko dakanina a·dokni skotong Minister knachake uamang baksa golpo-chanchirimna aro agangrikaniko dakna gita skotong Minster aro gipin member-rang baksa July 24 tariko re·angaha. Ia chanchirima matchotkujaon kajia golmal ong·aniara namen kenchakani ong·a ine jegale Ryntathiang aganangaha.
Ia dabianiko kajia golmalchi ba saksa sakgipinko saknaatachi chu∙sokatna man·jawa. Jat ba dolni dingtang dingtang nanganirangko dabianiara nangchomotgipa sorkarini bak ong·a indiba uko dakna miksongani gnang aro kra·a bewalo ong·na nanga ine ua aganangaha. Jingjengatgipa chadambe dolrangko uamangni chu·ongnikgijaniko tom·tome aro nama bewalo aganchina ba golpogrikchina Ryntathiang didiangaha.
A·dokni skotong Minister chadamberangni silroro namroroanina niksamsoe chol rangko dakanina aro rake kam ka·anirangna Women’s Wing dolrang rasongchabea ineba Ryntathiang parakataha.
