Lok Sabha-ni Speaker Om Birla damchet Northeast a·dokrangni Assembly Speaker-rang baksa July 29 tariko Meghalaya a∙doko tom·anio aganprakaniko dakanggen. Ia tom·anio Arunachal Pradesh a·dokni Speaker Pasang D Sona tom∙aniko dilanggen ine u∙iataha. Iako ong∙atachi Management of Natural Disaster ba a∙gilsako ong∙telaigipa a∙selrangni gimin aro Northeast a·dokrangni nangrime donganiko altubatatnagita chanchirimanggen.
Commonwealth Parliamentary Association (CPA)-ni chang 20 gipa Annual conference, India Region Zone III tom·aniko Sonibar salo Shillong songjinmao ong·atgen aro Northeast-ni gimik a·dokni Assembly Speaker-rang bakko ra∙anggen. Pilak NE a∙dokni dilgiparangko Sukrobar salo Meghalaya a·dokona sokbanagita ka∙dongsoenga ine a·dokni assembly secretariat official parakataha.
India A∙songo CPA ni member sak 31 legislature-rang gnang uandake India region Zone III ni ning∙o Manipur, Tripura, Assam, Meghalaya, Arunachal Pradesh, Mizoram, Nagaland aro Sikkim- rang gnang.
