Sombar salo Turao ong∙anggipa obostani bidingo jak donggipa manderangko pulis rang sakki gnangsa rim∙aha ine Chief Minister Conrad Sangma da∙al salni bako parakataha. Rim∙ako man∙gipa manderangko maini gimin party ni bimingrangko mingchapaha ine singanina, video recording rango nikanio rongtale u∙ina man∙a aro ia sakkirango pangchakesa uamangko rim∙enga ine Chief Minister aganchakaha.
Ia mamlani bidingo chong∙mot a∙selrangko sing∙sandianirangko dakani ja∙manosa maini a∙sel ia obosta ong∙aha uko name dake u∙inagita man∙gen. Jingjengatgipa dolrang baksa jatni namgnina aro tom∙tomanina Chief Minister-ni agangrikna re∙angani somoio indakgipa obosta ong∙aniara kra∙ani ong∙ja ineba CM agandapangaha.
