North Garo Hills a∙jao Dilma Urban Health & Wellness Centre ko Sukrobar salo Mendipathar ni MLA Marthon J. Sangma nokdonggae on∙angaha.
Ia Centre ko ra∙baanichi wilwilao dongenggipa manderang dingtang dingtang sanna bannanirangko dakangna aro nanggipa samrangko indin jakkalangna man∙gen ine ua aganangaha. Unbaksana ia centre ko manderangna kulie on∙angahani gimin an∙tangtangni namgnina jakkalangchinaba Sangma didianiko on∙angaha.
Ia Centre ko Ayushman scheme ni gita rike on∙angaha jean songsulni manderangna nambata sanna bannani cholrangko ra∙bana miksongani ong∙a ine NGH-ni Additional Deputy Commissioner Kapil Koch u∙iatangaha.
