West Garo Hills a∙jani PMEGP nigita homestayko man∙agipa sak 36 manderangna Institute of Hotel Management (IHM) Shillong-o salgnina training ba skie on∙aniko dakangaha. Ia training programko a∙dok sorkarini Tourism department ong∙ataha. Ia programo IHM ni Principal manderangna homestayko chalaianio dakna nanggni kamrangko name agan-talate on∙angaha. Homestay rangni bidingo tale ma∙sie ra∙na aro uko name chalaina man∙a gita salgnini trainingo rongtale skie on∙angaha.
Homestayrangko rasong gnangbee man∙gipa nokgiparang jajrengani gri uamangni miksonganirangko a∙bachengate a∙dokni economy ko tang∙doatnagitaba dakchakanggen. Sakanti homestayko man∙asienggiparangni a∙dokna namgniko ra∙baaniko Meghalaya Tourism gamchatbee ra∙a ine aganangaha.
