2020-22 bilsini gisepo cancer sabisiko man∙gipa aro ia sabisini a∙sel mande sianirang Indian Council of Medical Research aro National Cancer Registry Program-ni gita chane nianio pangchake Meghalaya a∙doko batroroenga ine janapataha. A∙doko cancer sabisiko man∙e mande siani 2020 bilsio sak 2,879 mang gapaha. 2021 bilsio sak 2,943 aro 2022 bilsio sak 3,025 mangona tang∙doaha.
Meghalaya a∙doko cancer aro batrikrikgijapa sabisirangko champengsona National Programme for Prevention and Control of Non-Communicable Diseases (NP-NCD) ni ning∙o National Health Mission (NHM) ni gita ma∙mong sorkari tangkarangko chamataha. A∙doko NP-NCD nigita 2020-21 bilsirangna tangka gong lakh 46.55 mangko man∙soaha. 2021-22 bilsina watatgipa tangkarangara gong 416.03 lakh ong∙a aro 2022-23 bilsina gong 407.60 lakh ko chamatskaaha.
Unbaksana rika cho∙ani kamrangna, tangka paisanigita dakchakani, sengnang porikka ra∙ani aro adita kolrangko a∙dokrangni aro Union territory rangni janapatgimin gita Health & Family Welfare department aro ma∙mong sorkari NP-NCD ni ning∙o dakchakaniko on∙ataha.
