July 30 tarik Robibar attamo SGH a∙jani Gasuapara jolo Dalu Dapgreni bilsi 4 ong∙gipa Chiora S Sangma aro bilsi 20 ong∙gipa Nokmanchi S Sangma ko buringni mongma chadrapani a∙sel blongbee saknaaniko man∙aha.
Robibar salni attam 4 bajimango, Bangladesh sima ariko mongma jinma re∙pakangmiting somoio Gasuapara ni ning∙ao donggipa song damsa Cherengapara-o ia a∙sel ong∙aha.
Saknaako man∙gipa me∙chik bi∙sa rangko Tura Hospital eye ward aro Tura Maternity Hospital ona rimbae sannaniko dakangenga.
