Kharkutta PHC o Pneumonia sabisiko champengani bidingo salsana workshop-ko ong∙atanga

North Garo Hills a∙jani Kharkutta songo salsani workshop aro training-ko Community Gender Health Activists aro Aganwadi Worker (AWW) rangna Social Awareness and Action to Neutralize Pneumonia Successfully (SAANS) nigita ong∙atangaha. Pneumonia sabisini batroroaniko champengna nambata ja∙kurangko de∙na SAANS Garo hills-ni bang∙bata songrango sanna bannaniko dakenggipa dolrangna skie on∙angenga.

Ia skie on∙aniko ong∙atanichi bi∙sarangni gisepo Pneumonia sabisiko man∙anio namgijaniko mikrakatna aro bi∙sarangko nambata gadango nirokaniko dakna miksonge skie on∙angaha. Unbaksana namgipa sanna bannanirangko dake songadam aro songjinmarango bi∙sarangni Pneumonia sabisiko man∙e sianirangko komiatna gita talate on∙angaha.