Meghalaya a∙doko Vanilla pangko ge∙na da∙al salni bako Chief Minister Conrad Sangma aro Soil & Water Conservation ni Minister Marcuise Marak baksa Field Trial Project-ni bidingo tom∙bimonge chanchirimangaha.
Vanilla pangko ge∙na Garo Hills a∙jao adita bilsirangna skangan a∙bachengataha jekon da∙o apalbatatna miksonge dakenga ine Chief Minister parakataha. Vanilla ni nambatgipa jat ba rokomko A∙doko ge∙na niroke kam ka∙china Soil & Water Conservation Department ko Chief Minister didiataha. Iako dakanichi pilak ge∙e game cha∙enggiparangna dakchakani ong∙gen ine Sangma janapangaha.
