South West Garo Hills a∙jani District Project Management Unit (DPMU) Nogorpara Village Natural Resource Management Committee (VNRMC)-ona ninagita re∙ange uamangni bol bi∙sarangko name jawaie dal∙atanirangko niangaha. Nogorpara Community Nursery damsa rasong chabegnigipa biap ong∙a jeon Te∙gatchu, gitchak ba gitchakmranggipa Te∙brong, Wa∙a, Chondon gitchak, Komperam, Burmese draka, Me∙mang narang aro dingtang dingtang rokomni sambolrangko ge∙aniko dakenga.
Forest Management Plan (FMP) scheme-ni gimin u∙iataniko dake Mandalgre songna dingtang dingtang daka rikani aro bitchilrangko rakkiani giminba skie on∙angjolaha. Iano sak 14 gisiko nanggipa manderang bakko ra∙angaha. Bakko ra∙gipa manderang komigenchimoba uamangni gisiko nangani aro skaniko mesoke on∙kange bakko ra∙anichi nambegipa chanchirimaniko chu∙sokgipa ong∙aona ra∙baaha ine South West Garo Hills a∙jani District Administration parakataha.
