State University ko Meghalaya a∙doko ra∙bana ru∙utbea bilsirangna dakugijagipa kamko da∙o bilsi sotbongani ja∙man ka∙na a∙bachengatengjok ine skotong dilgipa Conrad Sangma aganangaha.
Ge∙gipin State University-ko ra∙gataniko chanchianirang da∙o dipet dongkujaenga. Unbaksana adita tangka paisani gita ja∙manchakanirang aro bang∙a neng∙nikanirangko sorkari nichengna nanggen ine Sangma, Shillong songjinmaona State University-ko ra∙bana didianina aganchakangaha. State University ni Campus aro Office-ko Shillong songjinmao songanikoba mikkangchi dakangna man∙gen ine ua janapangskaaha.
A∙dokni pilak biaprango nangagita Campus ba a∙tiprangko nigrike ra∙bae kam ka∙na nanggen ine Chief Minister agandapangaha.
