July 21, 2023 tariko kana, kora, ku∙ma ba uandakgipa manderangna salsani Assessment Camp ba porikka ra∙e nianiko Mangsang songni Bamil UP skulo East Garo Hills a∙jani Williamnagar District Social Welfare Department ni gita ong∙atangaha. Ia Assessment Camp-o Orthopaedic Dr. Adrian Marak, Dr. Febry Goira D Shira, Sujata Das aro Audiologist Saka Moikimshang bakko ra∙angaha.
Adita manderang ia Assessment Camp ona re∙bae bakko ra∙angna gita man∙aha. Sak 70 be∙eni gita neng∙nikanirangko man∙gipa manderangni bimingrangko segatangaha. Bimingrangko segatgimin manderangoni sak 55 porikka ra∙e nianio man∙a kragipa manderang seokako man∙aha. Ua sak 55 manderangoni gisikni gita u∙isokgijagipa manderang sak 6, ja∙a kora rang sak 28, nachil knagijagipa manderang sak 18, mikron nikgijagipa manderang sak 3 ko seokaha. Disability certificate na seokako man∙gijagipa manderang sak 15 aro aadhaar o biming segatna re∙bagiparang sak 20 mangni gita bakko ra∙angtokaha.
