West Garo Hills a∙jani pulis dolrang sakgni manderangko pekatna jakkalgipa ganja gram 700 mangnigita rim∙a man∙gipa manderangoniko man∙aha ine koborna parakataha. Kakketgipa koborrangko man∙soe Phulbari pulis dolrang khaprabari, Belbari songoni Fozidur Islam-ni nokoniko am∙sandianiko dake niamni a∙palo badinggipa gram 227 ganja rangko man∙aha. Fozidur Islam ni dilaniko man∙e, Mominur Islam ni nokonikoba gram 472 ko man∙skaaha ine u∙iataha.
Unbaksana tangka gong 66,970, mobile phone ge∙gni aro SBI ATM card baksa ua manderangoniko man∙aha ine pulis dolrang parakataha. Phulbari Pulis Station-o section NDPS Act-ni ning∙o mokordoma ka∙aniko dake am∙sandianiko dakangenga ine koborna parakataha.