Garo Hills-o sanchakram nokrango sanna bannaniko Health Service-ni Director aro Joint Director re∙bae nirokanga

Health Service ni Director Dr. H Lyndem aro Joint Director Dr. Lumrilyne Mylliemumlong, Garo Hills o sanchakram biaprango kam ka∙anirangko, re∙bae nirokaniko August 2 tariko dakangaha. South Garo Hills a∙jani Ramchengga Sub-Centre ona re∙ange nirokani somoio, an∙o donggipa me∙chikma saksako Dr. Lumrilyne Mylliemumlong an∙pakani salko u∙ina porikka ra∙e niangaha. Uni ja∙mano Baghmara Civil hospital ona Ultrasound sonography ko porikka ra∙e nina uko watatskaaha.

An∙o donggipa me∙chikmako Joint Director Dr. Lily Marak an∙tangan uni gario rimangaha ine koborna parakataha. Ultrasound sonography ka∙e nianio an∙o dongani anti 34 san ong∙kuengani gimin hospitalo donge sanna bannaniko dakna nangkujawa ine sagipana u∙iatanikoba on∙angaha.