Meghalaya Legislative Assembly na Business Advisory Committee (BAC) ko a∙dokni Speaker Thomas A. Sangma songe on∙angtaiaha. Ia Committee-o Sangma an∙tangan Chairman ni biapko ra∙e dilaniko dakanggen. Unbaksana Committee ni gipin member rang Parliamentary Affairs Minister Prestone Tynsong, Leader of Opposition Ronnie V. Lyngdoh, Charles Pyngrope aro Lahkmen Rymbui ong∙a.
Skotong dilgipa baksa ku∙monge Assembly o chanchirimanio, dilgiparangna somoi sualani bidingo ia Committee kamrangko ka∙anggen. Adita mongsonggipa kattarango pangchakeba sorkari na chanchirimna didianikoba Committee kam ko ka∙anggen ineba u∙iatangaha.
