NPP dolni palo watatako man∙gipa MP Agatha Sangma-ni dilanichi unbaksa gipin MP aro MLA rang Union Home Minister Amit Shah baksa namgipa chanchirimaniko dakangaha. Ia chanchirimanio Rajya Sabha ni MP Dr. Wanweiroy Kharlukhi, Manipur a∙dokni MLA M. Rameshwar Singh aro Sheikh Nurool Hassan dongpae bakko ra∙angaha.
Watatako man∙gipa dilgiparang NPP dolni National President aro bang∙a gipin dilgiparangni soi ka∙gimin resolution ba nang∙nikaniko parakatgipa chittiko Union Home Minister na on∙angjolaha. Manipur a∙dokni so∙sojengjeng ong∙aniko tom∙tomaona ra∙bapilna aro jingjengatako man∙gipa manderangna nangagita bosturangko sokate on∙pachina didiangaha.