North-Eastern Hill University (NEHU) aro Indian Institute of Technology Guwahati (IIT) bakrime nanotechnology, encompassing nanoelectronics, semiconductor devices, nanophotonics aro nanofabrication ni a∙bao am∙sandianiko dakna Memorandum of Understanding (MoU) ko soi ka∙e songgigrikangaha.
Ia miksonge bakrimaniara skigiparang, poraianiko dakgipa aro chatro chatrirangna namgipa skiani aro tang∙doanina chasongni kri ramarangko mesokani ong∙a. Ia MoU ko soi ka∙aniara poraia skiani gadango aro am∙sandianirango chu∙sokaniko mesokani ong∙a. NEHU ni IIT baksa bakrime kam ka∙anichi mikkangchini namgnina aro nanotechnologyni gimin nambate am∙sandiako daknagita skigipa aro chatro chatrirangna cholrangko do∙ga oe on∙ani ong∙a ine Prof. Prabha Shankar Shukla parakataha.
NEHU ni Nanotechnology department-o MTech aro Ph.D ni course rangko on∙anikoba dakenga.
