Tura songjinmani Kala Azar Chandmari jolni rama aro nalarangko nosto ka∙e Reliance Jio company rang uamangni networkko apalbatatna niamni a∙palo silkrongrangko songdamangaha ine parakataha. Mikka waani somoirango chirang ramao skonge donganichi re∙ruragipa manderangna, college aro skul re∙gipa chatro chatrirangna neng∙nikaniko on∙enga. Tura Municipal Board aro PWD department-ona maming janapagri niamni a∙palo kragija kamko ka∙anina company-ni kosako matnanganiko dakataha.
Ua jolni Development Committee company-ni kamko namnikjae WGH a∙jani Deputy Commissioner Jagdish Chelani o janapataniko dakangaha. Uamangni janapataniko man∙e iani bidingo nanga ja∙kurangko de∙e kamrangko ka∙anggen aro nalarango songgimin silkrongrangko ra∙galanikoba dakangen ine ua aganangaha.
