Batanggimin somoio gitcham GHADC CEM Boston Marak baksa sak 10 MDC rang aro adita contractor-rangni kosako council-ni tangkarangko kam ka∙gija jakkalsretanina saksa social activist Nilbath Ch. Marak High Court o badi ka∙doangaha. Marak-ni badi ka∙anina gitcham Principal Secretary Hewingson A. Sangma-ni Special Leave Petition (SLP) on∙aniko Supreme Court jegalatskaaha.
Sangma ni SLP on∙aniko Meghalaya High Court a∙bachengon jegalataha jekon da∙o Supreme Court-ni jegalatani ja∙mano, Sangma SLP ko Sukrobar salo ra∙galpilaha. Pilak dosi donggipa ine janapatgipa gitcham MDC, contractor aro officer-rangni kosako bichal ka∙na Tura songjinmani Special Court o dakangskagen ine u∙iataha. Sangmaba ia tangkarangko jakkalsretanio bak dongpagipa ong∙a ineba koborna parakataha.
