Game cha∙enggiparangna dingtang dingtang rokom ni mirang ko ATMA ge∙e mesokanga

West Garo Hills a∙jani Agricultural Technology Management Agency (ATMA) baksa District aro Local Research Station & Laboratories nangrime Tikrikilla C&RD Block ni ning∙o donggipa Napakgre songo game ge∙e cha∙enggiparangna, bisi gnanggipa samrangko jakkalgija mirangko ge∙na agan-talate on∙angaha.

Unbaksana dingtang dingtang rokomni mirangko ge∙susae nianikoba dakangaha. Ia dingtang dingtang rokomni mirangko ge∙susae niani miksonganira badia rokomni mirang badia biapo bang∙bate biterangko on∙gen uko ma∙sinagita dakangaha.