Department of Textile & Apparel Designing aro All India Coordinated Research Project on Weed Management (AICRP-WIA) dol baksa bakrime National Handloom Day-ko maniangan baksa exhibition-cum-fair aro weavers workshop-koba College of Community science, Central Agricultural University (CAU) Tura-o ong·atangaha.
Ia tom·anio WGH a∙jani ADC Dolrich BG Momin mongsonggipa sokgipa ong∙e bakko ra∙ange, kildingko rikani a∙bao aro ba∙ra dokanirang songsalo nokdangrangna janggi tanganio gamchatanirangkoba talate on∙angjolaha.
North East India-ni daka rika bewalko ja∙rike tarigipa kildingni bosturang aro ma∙manti bosturangkoba mesokangan baksa bosturangko tarisusaanirangkoba ong·atange chegiparangna boksisko on·angaha. Kilding bikotgiparangna aro ba∙ra dokgiparangko bilakbatatna tangka paisanigita dakchakna ramarango re∙jomanikoba dakangaha. Tura-ni College of Community Science CAU-ni Principal Dr. Jyoti V Vastrad tom·aniko dile jakchi kilding bikotanio changa sapaniko ra·dona, dingtang dingtang bosturangko tarianiko ripinge rakkina ka·donganikoba on·angaha.
