Tura Government College ni National Service Scheme (NSS) aro National Cadet Corps (NCC) dolgni bakrime Mega Plantation Drive ko Meri Mati Mera Desh Programme-ni August 9 tariko ong∙atangaha. Uamang college campus-ni ning∙ao aro college field-ni wilwilao donggipa biaprango bol ge∙anirangko ia programme-ni gita dakangaha.
A∙doko bol wa∙arangna simsakgijani a∙selo Garo Hills ni biaprango sin∙a aro ding∙anirang dingtanggrikaniko batanggimin salrango chagrongna nangenga. NSS aro NCC chatro chatrirangni bol wa∙arangko ge∙anganiara a∙dokni manderangna namgipa dakmesokaniba ong∙a. School aro college rango poraigipa chatro chatrirang naba sam bolni namgniko skie on∙an baksa dingtanganiko ra∙bana skigipa sakantian bol wa∙ako ge∙na ranta ka∙na nanga.
