Manipur a∙doko da∙ona kingking so∙sojengjeng ong∙e manderangni janggiko aro nokrangko nisiatani gimin mijal salni bako Tura Diocese ni CCBI Commission for Women Sacred Heart ni olakkichakram biapo wilwilani manderang bi∙chakaniko dakangaha. Tura ni Bishop Most Rev. Andrew R. Marak ia biꞏchakaniko dilangaha.
Ia biꞏchakaniko dakani miksonganiara re∙anggipa May jani 4 tariko sakgni meꞏchikrangko ganani chinani gri mande jinmani mikkango rejomataniko dakani gimin ia kragijagipa kamko jegalaniko mesokangaha. Manipur a∙doko ku∙cholsan tom∙tome meli nangrime donganina aro mongsongbate songsalo bilgrigipa manderangko kragija dake jakkalaniko naljokatna salantio bi∙chakanirangko dakna nangchongmota ine Bishop Andrew mol∙molangaha.
Ia tom∙e bi∙chakaniara Manipur a∙doko me∙chikrangko kragija dakani aro so∙sojengjeng ong∙enganiko manderangna mikrakataniko on∙aniba ong∙a ine ua parakataha.
