Mahatma Gandhi National Rural Employment Guarantee Scheme (MGNREGS)-ni ning∙o jakkalna nangani bosturangko ra∙na aro chamgimin tangka paisarangko tarake sokatna jotton ka∙anggen ine Community & Rural Development (C&RD)-ni Minister AT Mondal parakataha.
MGNREGS rangna chamgimin bosturangko ra∙na dao∙naba on∙kujani bidingo sing∙aniko dakangon nanggipa kamrangko ka∙na matchotkujani a∙sel ong∙aha ine Mondal aganangaha. Mittam chamgimin tangka paisarangko 50 per cent-ni gita watataha aro ru∙utgija somoion bangki dongkuenggipakoba sorkari watatgen ine u∙iatangaha. MGNREGS ni kamrangko ka∙na tangkarangko watatna sorkario mol∙molanirangba dongaha ine Mondal janapangaha.
