North Garo Hills a∙jani Resubelparao Soil & Water Conservation Division-ni ning∙o donggipa, Dumisi Small Multipurpose Reservoir chi chimongchakram biapko da∙al salni bako Marcuise N. Marak re∙ange nianiko dakangaha. Ia chi chimongchakramko tarina gita NABARD Rural Infrustructure Development Fund (RIDF) 26 nigita 2021-2022 na chamgimin tangkarangko tikate tangka paisanigita dakchake on∙angaha.
Dumisi chi chimongchakram biapko tarie on∙anichi songni manderangna nangnikagita namgniko aro dakchakaniko ra∙baenga ine Marcuise N Marak kobor ra∙timgiparangna parakataha.
Chirangko chimonge donanichi a∙jani manderangna dingtang dingtang nanganirangna jakkalna dakchakbeani ong∙anggen. Ia ja∙kurangko de∙anichi da∙ororo china dilaniko naljokatna dakenga aro nangan salo suale on∙a gamchatbegipaba ong∙gen.
