Garo Hills ni Self Help Group (SHG) rangna loan-rangko suale on∙ani bidingo District ni gadango tom∙bimonge chanchirimaniko da∙al salni bako East Garo Hills a∙jao ong∙atangaha. Tom∙aniko Deputy Commissioner V Aggarwal dilangaha unbaksana Project Director, Block Development Officer, Lead District Manager, Junior Rural Development Officer aro DDM NABARD ni Directorate of Data Management tom∙anio bakko ra∙angaha.
Ia chanchirimaniko adita bank-ni matchotkugijagipa loan application rangko branch manager rang August 15 tariko ba una skang matchote donchina DC u∙iataniko dakangaha. SHG loan ara chona rema kamrangna tangka paisani gita dingtang dingtang bank rangni dakchakaniko on∙enggipa mingsa chol ong∙a.
