India a∙songni jakgitelani bilsi 76 gapaniko gisik ra∙e maniani bako Meri Mati Mera Desh programme-ko Tura Municipa Board (TMB) mijal salni bako Cenotaph, Tura Babuparao maniangaha. Ia manianiko Garo Hills ni dingtang dingtang biaprango India ni jakgitel ong∙ani salo chongmoton August 15 na tarisamsoe campaign ko ong∙atsoenga.
Ia programme-ko a∙gilsak gimiko dakgrikani skanggipa World War ni somoio A∙chik matgrikrangni France a∙songna dakchakaniko on∙a re∙ange dakgrikchakram a∙bao ka∙dongbee dangdike on∙aniko gisik ra∙na dakangan baksa uamangko mande ra∙anirangkoba dakangaha.
TMB ni Chief Executive Officer Rikse R. Marak aro adita uni ka∙rimskarang ia programme o dongpae bak ra∙anganiko nikangna man∙aha.
