Vanilla ge∙giparangko namdapatna aro cholrangko on∙a mijal salni bakko NGH a∙jao programme-ko ong∙atangaha. Ia programme-o a·dokni Soil and Water Conservation-ni Minister Marcuise N Marak vanilla-ko ge·giparang baksa golpogrikanirangko dakangaha.
Uamang baksa golporimanio Vanilla ge·a gamaniko gamchate rachina, apalbatana aro jotton ka∙e krenge dakchina Marak didianiko on·angaha. Ia programme-o Bajengdobani MLA Pongseng Marak aro gipin officer rangba dongpae bakko ra∙anganikoba nikangaha.
Vanilla pangko ge∙na Garo Hills-o adita bilsirangna skangan a∙bachengataniko dakaha aro iako ge∙aniko tang∙doatna sorkarinigitaba dakchakanirangko on∙angenga. Ia pangko ge·anichi gamchatgipa bolam biterangko man·anisan ong·aigija janggi tanganio a∙dokni aro a∙jani tangdoataninaba dakchakani ong·a ine Marak aganangaha.
