A∙dokni aro a∙songni dingtang dingtang biapni chadamberangna kamrangko on∙a miksonganio re∙baenggipa August jani 16 oni 18 tarikona North Eastern Hill University ni gita kamna seokanirangko daknasienga ine parakataha. Sak hajal bonga mangni gita bang∙a gadangrangni kamna seokanirangko dakanggen aro a∙gilsak gimiko mingsingbatgipa company ge ritcha bongaoni SODEXO aro ADECCO company-ba ia kamna seokanio bak ra∙angpagen.
Ia company ge∙gni baksa adita dal∙dalgipa company-rangba iano bakko ra∙anggen aro ian kamna ta∙rake seokna nangenggipa ong∙ani gimin je chadamberangan seokako man∙genchim uamangko joljol kamo rimnapaniko dakanggen ine NEHU u∙iataniko on∙angaha. Ia kamna seokanio sak hajal gni mangna bate me∙chikrangko kamo rakkianggen jean bak gittamoni bak sani gita me∙chikrangna ku∙chakgimin donga ine u∙iatanikoba on∙angaha.
