A∙dok sorkari bi∙sarangna aro me∙chikmarangna dakchakaniko on∙a Helpline number 181 ko a∙bachengata

A∙dok sorkari bi∙sarangna aro me∙chikmarangna neng∙nikani somoio dakchakaniko on∙a Helpline number 181 ko jakkalna man∙a gita a∙bachengate on∙angaha ine Social Welfare Minister Paul Lyngdoh parakangaha.

Nambatgipa aro gitalbatgipa ostrorangko jakkale helpline na kolrangko tariaha. Tarigimin kolrangko jakkale dakchakaniko nangenggipa manderangni call ka∙atenggipa biapko ma∙sina aro nanganirangkoba u∙ina gita man∙gen ine ua aganaha. Una agreba ia kamko kona noksikona nambate ka∙angna gita on∙kange website ko tariman∙aha ineba Lyngdoh aganangaha.