Batanggimin salrango skotong Minister Conrad Sangma ni Central Agriculture University (CAU) Imphal o poraienggipa chatro chatrirangni neng∙nikanina, a∙doktango donge skie ra∙aniko dakna mol∙molaniko Union Agriculture Minister Narendra Singh Tomar knachakaha ine parakataha.
Meghalaya ni chatro chatrirang jemangan CAU Imphal o 4-gipa bilsini courseko poraiengachim uamang Rural Agriculture Work Experience (RAWE) Programmeko Ri-Bhoi a∙jani Kyrdemkulai CAU Campus oni skie ra∙angskana man∙gen ine Conrad Sangma u∙iatangaha.
Central Agriculture University (CAU), Imphal-oni u∙iatani gitade 2020-21, 2021-22 aro 2022-23 batch ni Undergraduate-o gipin a∙dokoni poraienggipa chatro chatrirangna online class rangko ra∙angskagen ine parakataha.
