Da∙al salni bako PHE Minister Marcuise N. Marak Darimgre Water Supply Scheme ko PHE department official-rangni baksa oprake on∙angaha. Program-o dingtangmancha Darimgre songni President na certificate ko on∙anikoba dakangjolaha.
Darimgre Water Supply Scheme na 2022 bilsini December jao Jal Jeevan Mission (JJM) nigita gong crore 1 lakh 28 mang tangkako chamataha. Iako kam ka∙na 2023 bilsini January jao a∙bachengate 2023 bilsio matchotataha. JJM ni gita songadam nokadamrangona rongtalgipa ringani chiko sokatna sorkari kam ka∙na jotton ka∙aniko dakenga.
PHE officialrangni parakatanigitade JJM ni ning∙o songrangona chiko sokatani tang∙doenga aro chirangko songantiona sokatna mikkangchi krenge kam ka∙angkugen ineba parakangaha.
