Tura songjinmako re∙pakenggipa NH 51 ramani a∙kiloko chirang skatpile dongenggipa ramani obostarangko nike, Tura ni adita manderang neng∙nikanirangko chagrongenga ine u∙iahataha. Turani adita biaprang jekai Rongkhon, Spring Hills, Hawakhana aro gipin jolrango ramarango dal∙a chona a∙kilokrang bang∙engaha aro uarangko jako ra∙enggipa department rang niroke tarie on∙gechimode nambegen ine adita manderang kobor ra∙timgiparangna ui∙ataha.
India asongo 2021 bilsio ramao a∙kilokrangni gimin 3,625 a∙sel ba obostarang ong∙angaha, apsan daken 2020 bilsio 3,564 a∙selrangkoba chagrongangaha. Rama namgijani a∙sel chona dal∙a garirangna bilongen neng∙nikaniko ra∙baa aro a∙sel obostarangonaba sokatronga ine janape aganaha. Tura songjinmao songdongenggipa manderang ramarangni namgijani a∙sel obostarangko chagrongna nangjanagita adita manderang PWD dolko ia ramarangko niroke tarie on∙pachina didiatan baksa mol∙molangaha.
