Bimchipe kam ka∙aniko mande ra∙na DSEO aro DSEL office o kam ka∙giparangna certificate-ko on∙a

India a∙songni jakgitel ong∙ani chang 77 gipako Tura songjinmao manianio adita manderangna uamangni dondikgija bimchipe kamrangko ka∙anina dingtang mancha mande ra∙aniko dakna certificate rangko on∙angaha. Certificate ko man∙anggiparangoni 2 Grade IV staff o kam ka∙enggipa Additional DSEL office ni Satwilson Marak aro DSEO Tura ni Thitush Ch. Marak ong∙a.

Kamni a∙bao bimchipaniko nike dingtang mancha department nigita mande ra∙aniko on∙pilskana uamangni bimingko seokangaha. Ian department na aro certificate ko man∙gipa manderangna mikkim rasongko ra∙baaniba ong∙aha. Unbaksana dingtang dingtang office o kam ka∙giparangna mikkangchi bimchipe aro dondikgija dangdike on∙a nama didianikoba on∙ani ong∙a.