Chang 77 gipa Independence Day ko maniani salo West Garo Hills District Administration aro Garo Hills Chess Association nangrime dingtang dingtang bilsini kal∙susagipa dolrangna chess kal∙aniko ong∙atangaha.
Salsana chess kal∙susaaniko ong∙atanio chu∙gimik sak 78 manderang bakko ra∙angaha. Krusen D Shira skanggipa biapko man∙e chegipa ong∙aha, gnigipa biapo Silseng N Marak aro Nitya Nanda Hajong gittamgipa biapo chegipa ong∙angaha. Chess kal∙susaanio chegipa manderangna a∙jani Deputy Commissioner Jagdish Chelani ni jakchi boksisrangkoba on∙angaha.
Ia programo Chess kal∙susaani baksana chongipa bajar-ko ong∙ate adita pala sim∙anirangkoba dakangaha. Unbaksana doka dam∙ani aro dingtang dingtang dakmesokanirangkoba programo bak ra∙enggipa manderangko an∙sengatna ong∙atangjolaha.
