August 15 tariko Mendipathar rel gari station-ko Food Civil Supplies & Consumer Affairs Department ni Minister Comingone Ymbon re∙bae nieaniko dakangaha. Unbaksa Kharkutta ni MLA Rupert Momin, Mendipathar ni MLA Marthon Sangma, MDC Aldo A Sangma aro Railway Officer rang apsan dongpae nirokeanio bakko ra∙angaha.
A∙songni rel gari station rangko namdapatna ine batanggimin salrango parakatgipao Northeast a∙jarangoni Mendipathar station-ba seokako man∙paaha. Meghalaya a∙doko Mendipathar rel gari station damsa kamkam dongpagipa ong∙a jekon da∙o namdapatnagita kamrangko ka∙angenga. Ia station-ko bang∙a manderang bading chiwale cha∙na, songre songabatna aro dingtang dingtang nanganirangna jakkalna dakchakaniko on∙enga.