South Garo Hills a∙jao District Planning and Development Council tom∙aniko a∙dokni Education Minister Rakkam Sangma chanchirimaniko dakdilangaha. Ia tom∙aniko District Administration office o dake SGH a∙jao sorkarini on∙gimin scheme rangko dingtang dingtang department rangni kam ka∙enggiparangko nipiltaina miksonge chanchirimangaha. A∙doko kam ka∙anirangko nirokna aro u∙ina Sangma batanggimin salrangonin a∙jarikitchina re∙a doaniko dake nianganiko nikna man∙enga.
Ia tom∙e chanchirimanio Chokpotni MLA Sengchim Sangma, Baghmara-ni MLA Kartush Marak, Education Department ni Advisor H M Shangpliang, SGH a∙jani Deputy Commissioner, District Planning Officer, DRDA ni Project Director aro gipin officialrang bakko ra∙angaha. Ia tom∙ani somoio adita department rangni official rang kamrangko ka∙ani aro neng∙nikanirangko man∙ani bidingo agantalate on∙anganiko nikangaha. Tom∙ao bakko ra∙enggipa MLA rangni a∙jao dingtang dingtang nanganirang aro namdapatna nangenggipa kamrangko janape on∙anganikoba dakangaha ine koborna parakataha.
