Meghalaya a∙dokni manderang maming saa ding∙a gri an∙seng baljoke donganiko South Garo Hills a∙jani Karukol Sub Center-ni gita ua songni wilwilao dongenggipa nokantichi naproroe BP high ba low ong∙aniko porikka ra∙e nianiko dakangaha.
Karukol Sub Center-ni gita ANM aro GNM rang blood pressure rangko niangan baksana, maikai an∙tangtangko an∙seng baljoke rakkina nangani cholrangkoba talate on∙angaha. Porikka ra∙ako man∙e sanna bannaniko man∙gipa manderangna cha∙a ringani bidingoba simsakchina sikie on∙angjolaha.
Sub Center-rang a∙dokni kona noksiko songdongenggipa manderangna sanna bannaniko dangdike on∙a rakbea kamrangko ka∙angenga.
