Sorkarinigita da∙o dipet bilsi prako ge 1200 kamrangkosan dingtang dingtang department rango tikatna man∙engkuani gimin chadamberangna janggi tangani cholrangko entrepreneurship o pangchake kamrangko on∙a dakangskagen ine Conrad Sangma aganangaha. A∙dokni department, division, district aro dingtang dingtang a∙barango 1200-1500 kamrangko bilsi rikkit on∙anio sokdoenga aro una agre batna man∙jaenga ine Sangma aganangaha.
Kamrangko manderangna tikatna aro kam man∙gija donganiko chel∙atna dingtang dake kamrangrangko bikotna gitalgipa ja∙kuko dena nanga ga∙akenga ine Sangma agandapangaha. Gipin a∙songrangchi jekai China, Japan, Germany, UK aro Australia o kam ka∙ani cholrangko a∙dokni manderang sandina nanga aro iani bidingo dingtang mancha changa sapanikoba skie ra∙ani, namdapatani aro gipin kusikrangko skie ra∙ani cholkoba on∙a nangenga ine Sangma aganangaha. CM’s Elevate program ni gita hajal kolgrik entrepreneur rang 30 oni 70 percent ona uamangni project rangna sorkarini man∙a dakchakanggen ine Sangma janapangaha. Ia program-chi chadamberang bang∙a project rangko jako ra∙e sorkarini dakchakanichi janggi tangani cholko dake cha∙na man∙gen ine Sangma ku∙watangaha
