East Garo Hills a∙jao Chilpara songni HWC-Sub-Centre o Village Health Nutrition Day (VHND) ko gisik ra∙e program-ko ong∙atangaha. Ia program-ko dake pilak bakko ra∙gipa manderangna batrikrikgijagipa sabisirangko aro Tuberclosis (TB) sabisiko porikka ra∙e nianganikoba dakangaha. Unbaksana bi∙sa chonchongiparangna sabisirangoni naljokatna gita biji su∙aniko aro samrangko kannanikoba dakangjolaha.
TB sabisi man∙aniko champengsonagita ia program-o adita TB man∙ani chinrang jekai gusua, ding∙ol ong∙katani, cha∙napgijani, be∙eni jria komiangani, attamo be∙en ding∙ani, gusuao an∙chi ong∙ani aro be∙en o gron nakatanirangko manderangna agantalate on∙aniko dakangaha. Ia program-o dingtang dingtang be∙eni an∙seng baljokanina ong∙atenggipa health program-rangni bidingoba manderangna mikrakataniko on∙angjolaha. TB sabisiko a∙doko gimaatna health department songni nokni manderangko ku∙mongpaaniko on∙china didiangan baksa janapgimin TB sabisini chinrangko nikode sepangbatgipa sanna bannani biapona re∙ange porikka ra∙e niepachinaba mol∙molaniko dakangaha.
