WGH a∙jani Bhaitbari Community Health Centre (CHC) ni ning∙o ga∙akgipa Rajabala Health & Wellness Centre (HWC) o Jan Arogya Samiti (JAS) Committee aro ja∙prako Sub-Centre rangni dongimin tom∙aniko ong∙atangaha. JAS Committee dingtangmancha Health & Wellness Centre rangna sanna bannani cholrangko songni gadango National Health Program-rangni bidingo dakchakaniko on∙gipa ong∙a.
Jan Arogya Samiti rang Corporate Social Responsibility (CSR) ni kamrangko jako ra∙e tangka paisarangni bidingo nirokaniko dakgipa aro chol ong∙gijagiparangna dakchakaniko on∙gipa organisation rangni namgnina re∙mikkangipaba ong∙a. Ia kamrangko uamang rika cho∙aniko namdapatna aro HWC o sanna bannani cholrangko ra∙bana unbaksa HWC ni dingtang dingtang kamrangko jakdangdike on∙gipa ong∙a. Ia kamrangko ka∙anichi uamang songadam nokadamrangona sanna bannaniko aro sorkarini health program-rangko manderangona sokatna dakchenggipaba ong∙a.
