Chatro chatrirangko togie laptop rangko on∙gen ine watsapp aro text message ranggita watenggipa link rangko sikdepajachina pulis dolrang mikrakataniko on∙ataha. Ia link rang bi∙sarangko laptop scheme nigita dorgastoko galchina tol∙e dilgipasa ong∙a aro denggu dakna miksongani donggiparangsa chalaienga ine u∙iataniko dakataha.
Dorgastoko gale chatrorang bimingtangko segate bank ni account numberrangko on∙atgenchimode altuabee uamangni tangkarangko ra∙e katna man∙a ine pulis dolrang pilak chatro chatrirang aro ma∙apaarangna mikrakataniko dakataha. Man∙sogipa link rangko name sing∙sandigija bimingrangko segatjachina aro togie cha∙gipa manderangni ja∙gao napjachina uamang mol∙molataha.
