Resubelpara C&RD Block ni ning∙o donggipa Wakso Rangsepgre songo Fin Fish Hatchery ba na∙tok bi∙sarangko pe∙atgipa a∙damko rikani kamrangko block-ni official rang nirok sandianiko dakangaha. Ia project 2021-22 bilsina chamatgipa ong∙a jekon Pradhan Mantri Matsya Sampada Yojana (PMMSY) scheme-nigita rika cho∙anirangko dakangenga.
Ia Fish Hatchery ko kraagita na∙tok jilaniko bariatna aro a∙jani manderangna na∙tok jile janggi tangani cholko on∙a miksonge kamrangko ka∙angenga. Na∙tok bi∙sarangko pe∙atani a∙damko rikaniko ia bilsini September jao matchotna ka∙dongsoenga ine parakataha. Ia project ko matchotanichi na∙tok jilaniko wilwilao donggipa biaprangona bariatna aro a∙doko chu∙onga gita na∙tokrangko bading chiwalna dakchakaniko on∙anggen.
