Raksamgre Civil Sub-Division ni ning∙ao donggipa Songgitchamgre songo mobile tower rang dongsrangjani gimin WGH a∙jani Bawegre Sub Unit AHAM dolrang jinmani palo Turani Jio Service Centre na tower gitalko songe on∙china chitti see mol∙molataha. Uamangni janapatani gitade ia songni wilwilao donggipa dam dok songrang network dongjae neng∙nikanirangko man∙enga ine u∙iataha.
Uamangni songo Jio mobile tower rangko bosaie on∙a dal∙bea a∙arang gnang aro uarangko jakkale songni manderangni network ni bidingo neng∙nikaniko niatpachina mol∙molaniko on∙ataha. Sorkarini kamko ka∙enggipa officer rang, chatro chatrirang, bading chiwale cha∙engiparang, ASHA, Aganwadi aro songni manderang mobile tower rang donggijanichi dal∙bea neng∙nikaniko man∙enga ine chittio uamang janapataha. Salantini kamrangko ka∙na nangan baksa songsa songgipinni koborrang ra∙grikna man∙a Songgitcham aro wilwilao donggipa songrango Jio mobile tower ko songe on∙china Bawegre AHAM dolrang didiangaha.
