William Nagar a∙jaoni adita chel∙ao donggipa Dilma Kawak songo gital tarigipa PMGSY rama ru∙utgijaan nosto ong∙aniko nikenga ine koborna parakataha. Ia rama Dilma Songgitcham Rongrit chibimako batsotgipa ong∙a aro iano tarigipa dollong songsa songgipinona re∙rurana dakchakaniko on∙enga. Ramako tariani somoio kraagita nanggipa pakmarangko kadojani a∙sel ramani be∙wakaniko nikna man∙enga ine parakataha.
Dilma Kawak song Samanda sub-division ni ning∙ao ga∙akgipa ong∙a jeon bang∙a manderang EGH a∙jani skotong songjinmaona re∙bana ramako aro dollongko ga∙bate re∙bana jakkaltoka. Skulni chatro chatrirang, bading chiwale cha∙gipa aro songni manderangna ramarang be∙wakanichi kenbegnigipa ong∙enga ine songni manderang koborna parakataha.
