Tura Municipal Board (TMB) nigita songsalo mikrakatako on∙enggipa project-o rongtal an∙talanio Tura songjinmao uamang baksa bakrimaniko on∙enggipa gittimrangna TMB mande ra∙pilaniko dakangaha. Project-ni gittamgipa changna re∙mikkanganio A∙sillanggre, Upper Matchakolgre, Lower Dobasipara, Upper K.A Road, Rengmal Gittim Samalgre aro Dobasipara Songgitalgre na nokni jabolrangko kraa bewalo galanina boksisrangko on∙pilskaaniko nikangaha.
Songjinmako rongtalatio bakko ra∙anina mande ra∙pilskaanigita kalbong tangsek aro tangsimrangko gittimni dilgiparangni jako on∙anganiko TMB rang dakangaha. Songsalko rongtale rakkina noktango jakkalgipa jabolrangko kraa bewalo galna TMB na segatkugijagipa nokrangko Development Committee rang niroke didiataniko dakpachina mol∙molaniko uamang on∙angaha.
Unbaksana songsalko aro songjinmako rongtal an∙tale rakkina jinmani ku∙monganikoba uamang am∙e didianiko dakangjolaha.
