Me∙asarangna ong∙atenggipa NEHU Inter College Tournament o Garo Hills ni Don Bosco College Tura bakko ra∙e kal∙manangaha aro Phukan Memorial College Dalu August 23 tariko NEHU Shillong baksa kal∙angskagen. Da∙al salni bako tournament ni skanggipa kal∙aniko Don Bosco College Tura aro St. Antony’s College Shillong baksa susagrikangaha. Rasonggribee Don Bosco College Tura uamangni susaenggipani jakchi goal gittam chipako man∙e kal∙susaanio a∙palo ong∙na nangao ga∙akaha. Kal∙a gimiko St. Antony’s College goal 3 ko man∙aha aro DBC Tura goal sakosan man∙rikaiaha.
Don Bosco College doloni name kal∙e dakmesokanina saksa chatro Adam A. Sangma Inter University o kal∙na seokako man∙sikaaha aro bon∙kame porikka ra∙aniko dakna uko ru∙utgija somoio Shillongona okamatenga ine koborko parakataha.
Ia kal∙susaanio ge 32 collegerang bakko ra∙e susaanganiko da∙aloni a∙bachenge 31 August tarikona kal∙anggen. Ia tournament-ko Shillong NEHU campus ni Sports Authority of India (SAI) football kal∙chakram biapo sokachakaniko dakangenga jekon NEHU ni Sports Department ong∙atenga.
