Jal Jeevan Mission (JJM) ni kamko ka∙anio East Garo Hills a∙ja an a∙doko nambate kam ka∙gipa ong∙enga, jeon kam ka∙anirang 77.92 percent mangni gita matchotaha ine Public Health Engineering (PHE) ni Minister Marcuise Marak parakataha. A∙doko JJM ni kamko ka∙anio komibatsranggipa East Jaintia Hills a∙ja ong∙skaenga jean 41 percent mangni gitasan matchotkuenga ine ua aganaha.
A∙doko JJM ni kamko ka∙anio chugimik 56.19 percent mangni gita matchotaha aro ia kamko 2023 bilsini December jao matchotatna gita niksamsoenga ine Marak agandapangaha.