East Garo Hills a∙jao Williamnagar songjinmani Soil Bazaar o donggipa Municipal cum Market Complex ko da∙al salni bako Chief Minister Conrad Sangma oprake on∙angaha. Ia Municipal Office ko namdapataniko dakanichi Williamnagar songjinmao sorkarini kamrangko jako ra∙e nambate aro altubate kam ka∙na dakchakani ong∙gen ine Sangma aganangaha.
Gitalgipa bajar antiko ra∙bae on∙anichi bosturangko bading chiwalgiparangna namgniko ra∙baasan ong∙aigija bree cha∙giparangnaba dakchakbeani ong∙anggen ine Sangma parakangaha. Unbaksana bang∙a ge∙e game cha∙gipa aro Self-Help Group (SHG) rangna uamangni bosturangko bajar antiona ra∙bae altuae pale sime cha∙na ia gitalgipa biap gamchatbegipa ong∙gen ine Sangma agandapangaha.
